Gĕ̤h

Gĕ̤h (挌)^{[Ció 1]}, bô hô̤ lā̤ Hiéng (㒈), Câng (鏨)^{[Ció 2]}, sê siŏh bĭh ŭk-lī dông-cáuk: kĕk chiū gâe̤ng chiū-dăng gì lĭk-liông găk kŭng-ké diē-sié ciŏng nó̤h tiāng-kŭi (捵開).

Gái Ché̤ṳ[Siŭ-gāi | Gāi nguòng-mā]

Gâe̤ng "Gĕ̤h" "Hiéng" "Câng" Iā Chiông gì[Siŭ-gāi | Gāi nguòng-mā]

Lŭk (繂), mò̤ giòng-diêu lĭk-ké, sê chīu-bié, chīu-tōi chuŏ-chuŏ gì hók-dô (幅度) iā duâi, chiông gōng lŭk lìu-sĭng-tùi (流星錘)
Dâi (逮), hióng lā̤ siŏh biĕh mŭk-biĕu dâi; sṳ̆k-ngṳ̄-uâ gōng "lèng-ngēng-hŏk (龍眼核) káng nè̤ng dâi", cêu-sê Dṳ̆ng-guók báe̤k-huŏng nè̤ng gōng gì "看人下菜"
Kē̤ (抾)^[1], dâe̤ng-cáuk mò̤ sié-nó̤h lĭk-ké
Lĭu (丟), kĭng-kĭng lĭu; gŏ̤-ièu chióng: "Siŏh-lăk gāng-lāng lĭu-guó-kă̤ (蜀粒橄欖丢過溪)"
Diăh (擲), diăh gì nó̤h mâ̤ dâe̤ng, pī-ê̤ṳ gōng diăh dàu-cī (骰子), diăh gáu iā gê̤ṳng gì ôi-ché̤ṳ
Siáng^{[Ció 3]}, hióng dê-dău (地兜) hĕ̤k-chiā dó̤h siáng guó

Bék-gì Dâe̤ng-cáuk[Siŭ-gāi | Gāi nguòng-mā]

Káh-dièu (客佻)
Tiéng (䋎)
Gĭh (扱)

Muōi-ció[Siŭ-gāi | Gāi nguòng-mā]

↑ Giòng-diêu lĭk-ké. Mìng-âu ô gōng "ĕ̤h". Pī-ê̤ṳ gōng "ĕ̤h guó".
↑ Giòng-diêu lĭk-ké. "Câng" buōng-sĭng iâ ô chĕ̤k (鑿), káik (刻), sāi tùi (錘) ká (㪣) gì é-sé̤ṳ.
↑ Găk Īng-tái, Mìng-chiăng â̤ gōng.

Chăng-kō̤ cṳ̆-lâiu[Siŭ-gāi | Gāi nguòng-mā]

↑ 馮愛珍. 《福州方言詞典》. 江蘇教育出版社. 1998. 423.

Wikimedia Commons diē-sié ô gâe̤ng Gĕ̤h ô-găng-guó gì nô̤i-ṳ̀ng.

Cī piĕng ùng-ciŏng siā buáng-nàng-hâ. Kī-dâe̤ng nṳ̄ dó̤i-chiū Wikipedia ciŏng ĭ chiàng lâi.

[1] Giòng-diêu lĭk-ké. Mìng-âu ô gōng "ĕ̤h". Pī-ê̤ṳ gōng "ĕ̤h guó".

[2] Giòng-diêu lĭk-ké. "Câng" buōng-sĭng iâ ô chĕ̤k (鑿), káik (刻), sāi tùi (錘) ká (㪣) gì é-sé̤ṳ.

[4] Găk Īng-tái, Mìng-chiăng â̤ gōng.

[福州方言詞典-3] 馮愛珍. 《福州方言詞典》. 江蘇教育出版社. 1998. 423.

[Ció 1]

[Ció 2]

[1]

[Ció 3]